殘疾人士交通優惠

早幾天唔知發生什麼事，總是上唔到blogspot的網頁，所有朋友blogspot的blog都唔得。今晚終於ｏｋ了！想死吧！

今日因工作走來走去（座車）。我座在巴士近落車門口的位置，車行了一輪，到站，有位要用手叉行路的女士上車，明顯上車時有些微困難，而需要點時間的。巴士司機講說話是比較大聲的人，他跟那位女士說：要唔要落果個升降板呀？（我聽不到那女士的回應），司機繼續說：我黎幫妳，幫妳啦！司機連忙離開座位去幫那位女士上車，上了車就女士想拿錢出來，司機連隨說：我請妳啦！妳去座就可以了，更不停問女士ｏｋ嘛？有位了嗎？（已經坐下來）還問可以了嘛？攪了一輪也開車了．．．過了幾個站後，女士也要下車，她座我前兩個位的。司機又關心的問？可以嘛？因為我座得近女士，所以聽得清楚她說：可以的（自己下車）。問的時候司機其實已經行緊過來了，司機同說：我幫妳啦！女士重複說：唔使了，自己可以！司機的手已經在扶著那女士下車了。女士落了車，司機繼續開車的同時唔知向邊個講：唔得架，佢呢ｄ一定要人幫架！
車開了，我也到了。

之後，又要座小巴去另一地方。行了一半路程，我聽到一位男聲叫下車，但是說不清楚那種。之後有位女士給了車費後落車，然後到叫下車的男子，他沒有給錢就下了車，女士就回頭大聲說：做乜唔比錢呀？原來這女士與男子一起的（可能是他的仔），女士其實想讓那可能是有智障的男子學習落車比錢，不過他忘記了（或者唔想比啦）。女士話完佢之後就在身上搵番ｄ錢比司機哥哥啦，司機哥哥應該是燥底的，他唔好老皮的叫那位男子：落車啦！唔使比喇！落車啦。女士也叫他走啦走啦，頂著了後面的車呀！這架小巴司機位則的位置，有一張旗掛了出來，係人都睇到那種，我忘了上面的字句，但意思大概是熱心公益乜乜社會等等.....

睇到這裡你妳想講ｄ乜呢？