夜啦~~2：36am

今日出門口天氣算好好
心情也不錯
一路上也在準備著放映前的開場白
因為我真的不是一個可以在咁多人前講話的人
(都有二百多個的學生)
就算是講少少野我都要早早準備定的
死未!?

今日觸映份子去了港島區一間名名校做放映(看不．看見)
有機會去這所學校做這個放映真係大開眼界的
原來莫昭如都係o係這裡畢業的
我所講的大開眼界唔係講d女同學
因為這是一間男校來的
最利害的都一定係負責帶這次活動堂的"女"老師
其實應該說是女軍官
由她說話內容到說話氣勢都係詞詞有勁的
我們在則邊聽佢講野都感覺到有點剎氣飛埋o黎
由於我們自己帶去的對講機突然出事
在放映途中我走去問佢可唔可以在學校借到一部用
佢回答我時的眼神都幾凶猛o架!
我唔知有幾多個老師都係咁
但呢個老師確是令我有點驚的
女軍官 , 男軍校 !!?

回家後做了一樣好久沒想到做的事
整意粉食
嘩~~~
好玩心哦
近月都是忙著忙著成日都只能出街食
自己整的就算好似今晚咁整得油左d
都係覺得好食的開心的
今日我自知整得差左的
因為如果係好食
同屋甲一定會話"好食"
今日佢只係在我整緊中途說"好香"
明白的因為都好多無整了
係生疏左dd的

..................

朋友乙給了我一張cd是板本龍一在1995年出的一首歌(唔知個名)
全首歌三十幾分鐘
只有琴...
播了好幾次了
首歌令我想起....
自戀
自己一個人在房間
只有少量光線
想哭....但唔知為乜想哭!?.........

...........................

夜啦~~ 2：36am
頂唔順了
要訓啦~~~