心口有個「勇」字

近兩年常到特殊學校帶workshop，近日的workshop中認識一位小朋友，二年級的。他是失明，右手機能不太好，一般只用左手。
我們的活動主要玩敲擊及形體舞動。這個朋友仔令我好深刻，因為佢心口有個「勇」字的，他完全沒有因為看不到眼前實景而停手停腳，反之唔理三七二十一地勇往直前，總是開心的心情，活動中一有需要示範時，他總想要做。各人做完後，他還想來多一次。
他實在太給人(我)向前的動力了，根本唔識個死字點寫的。對於失明的人，我們總想像很多負面的東西，呀，睇唔到世界多美麗等等!!!
我都唔係好識講，我唔知個小朋友是否這樣的想，或是我一相情願。總之我見到佢跳來跳去的時候，就覺得世界還是有希望的，只是我們有多大的勇氣去面對吧。