我們是這樣認識的

billy打比so sheung話幫手「造勢」喎(在自己的blog上寫下野)，當然唔介意啦，我地的blog都無乜人睇的，只要唔好介意我地造的"勢"比較"細"就ok吧!!!!


我們是這樣認識的........

「迷你噪音」音樂會
「來自本土的基層故事　 十三年抗爭現場吟唱」

數數手指原來識了老b都有一大段時間了。記得第一次見面是在一個青年中心裡，當時我在那個中心跟朋友籌辦音樂會(band show)，當時的中心職員是比較有心去攪音樂的特別是bandsound，而我就跟她一起在小小的中心裡在很少的資源情況下攪了好幾次band show。而最後一次就是我和老b及其他朋友一起夾的band，當時的臨時band名叫「文仔的朋友」。再講番第一次見面啦，我當時正跟一位職員傾有關音樂會的事宜，而老b就唔知點樣找上門主動說有興趣在中心開設結它班，而職員就跟他傾傾佢想攪什麼，我又唔知點解又無行開，那就一起談起來了，講講下又唔知點解佢又唱起佢自己的歌來，我還記得佢唱「 土地歸人民」這首歌可算是我第一首學識彈老b的歌( 正呀!! 只有4個chord )。都忘記了當時他講了什麼，只記得佢當年還在寫緊論文的。內容應該是寫......黑鳥/民眾劇等等的，講到黑鳥就更有得講啦，我也喜歡黑鳥嘛。之後就開始間唔中夾下歌仔了，再好耐好耐之後也曾一起夾band。。。。。

這次音樂會我當然是力撐喇，話晒我都係佢的小fan屎。當知道老b要攪個唱時，我第一時間講﹕billy我想唱番兩三首喎(開場)。其實我心裡想著要唱番d歌送比佢聽的。本來想在這裡講下我喜歡他的音樂有什麼咁正我有幾喜歡的，不過諗諗下，如果佢睇到的話，佢一定驕傲起來，所以各位如果對這位有點份量的少人物有些好奇的，而在十三年裡又有幾多本土基層故事演化成音樂要唱呢?當中有你有我嘛?
ps :唔怕靜靜話妳知，其實這次幫佢佢手的音樂班子可能好睇過老b的，唔好話番比老b知呀!!!



日期：2006年8月26、27日〈星期六、日〉
時間：晚上7:30
地點：牛棚藝術村前進進劇場
〈九龍土瓜灣馬頭角道63號牛棚藝術村7號單位〉
票價：65元
購票地點：Kubrick書店、阿麥書房
查詢：老B〈9270 4471，mininoise@yahoo.com.hk〉

在「噪音合作社」冬眠的日子，社員老B來一次「個唱」，並找來了陳偉發、Bono和Edmund三位音樂佻皮份子支援鼓樂，Terry後勤聲音工程。

「迷你噪音」博格：
http://mininoise.blogspot.com/
http://mininoise.blogbus.com/