如有需要...
假如你是座輪椅的，有日在行商場時好急好急，需要去小小或便便．但當你搵到個廁所時見到廁所門上寫著這些字，你會如何？ 我？ 第一時間一定係講粗口的！
這種情況其實在我的輪椅朋友來說，是經常出現的．如果大家有時間的話，不妨幫忙打個電話去 tel:２６７３９２８０ 上水新都廣場投訴佢地，因為把殘障人士廁所鎖著實在是對殘障人士來講是不合理的，因為當你好急的時候還要去唔知邊度搵你班管理員慢慢咁去開門．攪得來都腎虧啦大哥！大家唔好忘記，有好多座輪椅的人，要去大小二便不像你我般那麼輕鬆的，開左門後還要攪些時間才可以行事的．
我地觸映份子裡的一位朋友祥仔也拍過一條短片，安裝了一部ｄｖ機在自己的輪椅上，短片部份內容是他與一位朋友走在這個大都會的一些商場，拍了以上所講的情況．人有三急去方個便，去到廁所又係鎖ｘ左，走去搵保安，保安ａ又要佢地去邊度邊度搵保安ｂ開鎖，死未！見到這裡都想講句粗口的話，不妨花少少時間打個電話去投訴吧！這類情況香港多的是，有相機的又見到的，不妨影左佢ｓｅｎｄ過來，話比更多人知吧！
posted by 志雄 @ 12:34 上午
6 Comments:
我都有睇過段片，
愈睇就愈興，
d商場or屋村既老細(後者指政府)完全無理過一班「有需要」人士既需要，
短片放映之時，
睇在眼裡心在罵……
假如有日俾我見到有人對有任何真正有需要人士不尊重，
我實走過去打爆o個個人個頭…(放心，得個講字——我既意思係動口不動手)。
我好認同殘障人士廁所鎖住係好不合情理的。
又唔見您係廁所都鎖喎，
呢種係咩心態﹖
如果因為多人去某個廁所所以怕麻煩而唔閂，
mud依家好少人需要去殘障人士廁所咩﹖
如果話只可以開放一個(雖然唔知咩道理)，
我寧可鎖我地o個個好了，
一黎我地可以跑去拎鎖匙，
二黎好好提醒自己唔好到最後都唔去，
三黎分分鐘都有人去(特別係女人，成日排長龍)，
拎鎖匙既時間都省番。
有時候，
我好懷疑殘障人士廁所裡頭係唔係有寶藏﹖
or特別為殘障人士造左個用金定用雲石造既廁所，
由於太過矜貴，
唔可以唔鎖，
免得有外人入侵整花左﹖
您唔好話假如我地係坐輪椅，
就算係您同我就咁想去廁所卻發現鎖左，
如白行一趟都會想爆粗鬧啦﹗
上水新都…
何止一間丫﹖
呢間叫您自己去找保安拎鎖匙，
第二間都只不過叫您按個掣然後等人黎幫您開者…
少少分別，但一樣要等。
不如所有地方有提供殘障人士廁所既，
就聯合整本電話簿派發俾每一個殘障人士，
等佢地去到邊都可以預早book定個廁所用，
讓有關服務人員可以開定門企係度等您大駕光臨丫，好唔好﹖
不過到時又話d人好忙，
又話效率低(睇佢地都唔會覺得呢類booking係高效率的，只會阻住佢地做野，但又成日見到佢地無所事事，不是玩手指就係望地下…)，
又可能話有需要人士未必一定有手提做到booking咁，
亦可以講我地d保安、服務員周圍都有，
好快就搵到……
總之，
佢地會有一萬一千一百一十一個藉口唔去諗方法令到佢地「所謂」既服務，
真正做到應有既基本服務。
講咁多，
我只係想講，
今時今日咁既服務「態度」同不合理既處事方式，
唔單止不可接受，
更加要大聲討伐﹗
其實要打爆的應該是保安人員以上的管理階層的頭.我估重要o既係身受影響的殘障朋友要親自去打爆佢地的頭,(講笑...)親自去打電話投訴至真,這是最直接的.如果下下都有一百幾十個人打去投訴同一個殘廁,我唔信佢地唔去改善.(當然要這樣動員就要睇大家對這件事覺得有幾重要了)
支持~
改天去實地視察一下...
我親耳聽過一個醫院o既呀姐講,如果唔將傷殘人士廁所鎖住,會比D普通人整烏糟,真係唔知係乜野道理!!!
或可控告該商場歧視
以往有沒有人試過告呢?
發佈留言
<< Home